"बंदौ रघुपति करुना निधान"

"बंदौ रघुपति करुना निधान" by Chandrasekhar Nair on Saturday, 22 January 2011 at 13:17




बंदौ रघुपति करुना निधान | जाते छुटे भव-भेद-ज्ञान ||



रघुबंश-कुमुद-सुखप्रद निसेस | सेवत पदपंकज अज महेस ||



निज भक्त-ह्रदय-पाथोज-भृंग | लावण्य बपुष अगणित अनंग ||



अति प्रबल मोह-तम-मार्तंड | अज्ञान-गहन-पावक प्रचंड ||



अभिमान-सिन्धु-कुम्भज उदार | सुररंजन, भंजन भूमिभार ||



रागादि-सर्पगन-पन्नगारि | कंदर्प-नाग-मृगपति, मुरारी ||



भव-जलधि-पोत चरनारबिन्द | जानकी-रवन आनंद-कंद ||



हनुमंत-प्रेम-बापि-मराल | निष्काम कामधुक गो दयाल ||



त्रैलोक-तिलक, गुनगहन राम | कह तुलसीदास बिश्राम-धाम ||